شايب اول مرة يركب طيارة

هذا طول الله أعماركم فيه شايب بحياته ماركب الطيارة بس يسمع عنها ولا مرة بحياته شافها على الطبيعة غير اللهم على التلفزيون ولا في الجرايد.. مع ان هالشايب كثير ما يسافر ويروح دول لكن على سيارته وعنده السفر في السيارة الذ وأمتع من اي شي ثاني لأنه بالأصل هو شاعر هزلي وتدرون الشاعر في السفر تهيج عنده الذائقة الشعرية..
الوكااااد ..
هالمرة سافر بالطيار وشوفووا وش قال:





ودعت ناجح في مطار القريات...
يوم اركبونا الطايرة وشلعتنا

لفت ودارت وامرجت بين لحظات
...لولا الكراسي والمحازم رمتنا

طاروا بنا حمر العلابي خواجات
...زغل العيون وجيههم هولتنا

تكفى تشهد يافهد واقرا الآيات
...الموت جانا والظروف أجبرتنا

جانا المضيف قال وش فيه خدمات
...قلت نزلونا بطونا موجعتنا

من قبل أشوف الغيم دون السموات
...واليوم أشوفه يافهد من تحتنا

عزالله اني ماحسبت الحسابات
...والله ترى سيارتي موصلتنا

يازين ممشى الأرض لوهي مسافات
...وإنا بشعيب مزينين قهوتنا

وش جابني للطايرة والمطارات
...والله ما أعود ركوبها إن نزلتنا

لو تــنـفـجـر قامت تذيع المحطات
...رح عــاد دور قشنا مع جــثـــثنــا
لاتنسو التقييم

تقبلوا مروري

هههههههههههههههههههههه عقبال تركب الطياره يانفخه